Ótken jılı ishki isler wákilligindegi máseleler boyınsha 148 mıńnan aslam múrájat kelip túsken.
Prezident Shavkat Mirziyoevtiń basshılıǵında videoselektor májilisi dawam etpekte.
Májiliste atap ótilgenindey, túrli sebepler menen tuwılǵanlıǵı haqqındaǵı gúwalıqtı almaǵan balalarǵa bunday hújjetti rásmiylestiriwdegi byurokratiya haqqında 448 adam múrájat etken.
– Bul balasın baqsha hám mektepke jaylastırıwda gúwalıq soralǵanı ushın májbúr bolıp múrájat etkenler, ele arza bermegenleri qansha, – dep soraw qoydı mámleketimiz basshısı.
Ádillik ministrligine bul máselege ápiwayı sheshim islep shıǵıw tapsırıldı.
Ótken jılı ishki isler wákilligindegi máseleler boyınsha 148 mıńnan aslam múrájat kelip túsken. Ásirese, ishki isler xızmetkerleriniń qopal múnásibeti hám tergewdiń sapasınan narazılıqlar kóp ekenligi atap ótildi.
Sistema juwapkerleri hár 1 mıń adamǵa salıstırǵanda eń kóp arza túsip atırǵan Denov, Urgut rayonları, Samarqand, Qarshi, Namangan, Jizzaq, Ferǵana, Shırshıq qalalarına barıp, xalıqtıń mashqalaların tıńlawı, profilaktika inspektorı hám tergewshilerdiń kásiplik hám qarım-qatnas mádeniyatın arttırıw boyınsha oqıtıwı shárt ekenligi kórsetip ótildi.
ÓzA