Prezident Shavkat Mirziyoevtiń basshılıǵında xalıqtıń múrájatları menen islesiw sistemasın jetilistiriw boyınsha videoselektor májilisi dawam etpekte.
Májbúriy orınlaw byurosı aliment boyınsha arza tússe, óndirip berip atırǵanı, biraq aliment tólewshiniń rásmiy dáramatı bolmaǵanı ushın múrájatlardıń 30 procenti sheshilmey atırǵanı kórsetip ótildi.
Bul baǵdarda hákimler aliment tólewshilerdiń qanshasınıń kásibi bar, biraq jumıssız, qanshasın oqıtıw kerek ekenligin tallamay atırǵanı, sonnan kelip shıǵıp, bántlik bólimi hám “máhálle jetiligi” aldına anıq másele qoymay atırǵanı sınǵa alındı.
Aymaqlarda jumıslardı usı tártipte shólkemlestirse, aliment boyınsha múrájatlar 2 esege azayıwı múmkin ekenligi atap ótildi.
Shólkemlesken migraciya tiykarında adamlardı oqıtıp, sırt elde joqarı dáramatlı jumıslarǵa jiberiw boyınsha sistema jaratıldı. Biraq aliment májbúriyatı bar adamlar bul imkaniyattan paydalana almay atır, sebebi puqara sırt elge shıǵıwı ushın 5 jıllıq aliment pulın aldınnan tólewi yamasa aliment alıwshıdan jazba kelisim alıwı kerek.
Juwapkerlerge bul máseleni tereń úyrenip, tiyisli usınıs kirgiziw tapsırıldı.
ÓzA