Prezident Shavkat Mirziyoevtiń basshılıǵında xalıqtıń múrájatları menen islesiw sistemasın jetilistiriw boyınsha videoselektor májilisi dawam etpekte.
Mámleketimizde hár on mıń adamǵa ortasha 319 arza hám shaǵım tuwra kelip atırǵanı atap ótildi.
Biraq bul kórsetkish Tashkent qalasında 535, Nawayı wálayatında 462, Sırdárya hám Surxandáryada 452, Jizzaqta 430, Qashqadáryada 368, Tashkent wálayatında 350 di quramaqta.
Diyqanabad, Mirabad rayonları, Nawayı, Ahangaran hám Yangier qalalarında hár on mıń xalıqqa tuwra keletuǵın arzalar sanı basqa rayonlarǵa qaraǵanda 2 esege joqarı ekeni kórsetip ótildi.
Yamasa respublikada múrájatlar sanı 16 procentke azayǵanı menen Qarawılbazar, Nurata, Kenimex, Topıraqqala rayonları, Namangan qalasında aldınǵı jıldan 50 procentke shekem artqan.
Buxara, Karmana, Úshqudiq, Sardoba, Xovos, Bostanlıq rayonları, Angren, Ǵazǵon qalası hákimleri máhálledegi 4-5 adam menen “kózabaǵa” sóylesip, kóshpeli qabıllaw ótkerdim, dep júrgeni sınǵa alındı.
ÓzA