AQSh húkimeti iri sawda sheriklerine “Section-301” joybarı sheńberinde ádalatsız sawda ámeliyatı boyınsha tekseriw basladı. Bul qarar Joqarı sud Prezident Donald Tramp engizgen ayırım tarif ilajların nızamsız dep tapqannan keyin qabıl etildi.
Sawda wákili Jeymson Grirdiń málim etiwinshe, tekseriw nátiyjesinde Qıtay, Evropa Awqamınıń ayırım mámleketleri, Hindstan, Yaponiya, Qubla Koreya hám Meksikaǵa qarsı qosımsha import bajısı engiziliwi múmkin. Dizimge Vetnam, Tailand, Malayziya, Kambodja, Singapur, Indoneziya, Bangladesh, Shveycariya hám Norvegiya da kirgizilgen.
Vashington bul mámleketlerdi Amerika bazarına artıqsha óndiris ónimlerin alıp kiriw arqalı mámleket sanaatına basım ótkeriwde ayıplamaqta. Rásmiyler tekseriwdi jazǵa shekem juwmaqlap, itimallı tarif ilajın qollanıwdı názerde tutpaqta.
Bul qádem nızamshılıqta payda bolǵan huqıqıy boslıqtı toltırıwǵa qaratılǵan. Esińizde bolsa, AQSh basshılıǵı 10 procentlik globallıq tarif engizip, keyin bajını 15 procentke shekem arttırıw imkaniyatın bildirgen edi.
Házirgi waqıtta AQSh hám Qıtay rásmiyleri Parijde ushırasıw ótkeriwi kútilmekte. Bul sóylesiw mart ayınıń aqırında Tramp hám Si Czinpin arasındaǵı bolıwı múmkin ushırasıwǵa tayarlıq sıpatında bahalanbaqta.
Musulmon Ziyo, ÓzA