Ullı Britaniya parlamentiniń joqarı – Lordlar palatasında miyras arqalı orın iyelew sistemasın biykar etiwge qaratılǵan nızamdı qabıl etti. Solay etip, ásirler dawamında ámel etken aristokratlıq dástúr ámeliyatına shek qoyıldı.
Joybar “Hereditary Peers Bill” Lordlar palatasında tastıyıqlandı. Bas ministr Kir Starmer basshılıǵındaǵı Leyboristler húkimeti baǵdarlamasınıń áhmiyetli bántlerinen biri sıpatında bul reforma parlament joqarı palatasınıń jumısın jetilistiriwge qaratılǵan.
Reformaǵa shekem Lordlar palatasında 92 ata-tekli lord otırıw hám dawıs beriw huqıqına iye edi. Tiykarǵı bólegi 1999-jılı Toni Bler dáwirinde biykar etilgen bul sistemada ayırım orınlar waqtınsha saqlanıp qalǵan edi.
Jańa nızam kúshke kirgennen keyin, aǵzalıqtı miyras tárizinde qabıl etip alǵanlar palatadan shıǵadı, ayırımları ǵana ómirlik lordlıq statusında qalıwı múmkin. Házir Lordlar palatasında shama menen 800 wákil bar. Olardıń kópshiligi Bas ministr usınısı menen tayınlanǵanlar yamasa Angliya shirkewi episkopları.
Lordlar nızam joybarın ózgertiw huqıqına iye, biraq tolıq tosıp qoya almaydı. Sońǵı qarar saylanǵan Tómengi palata – Jámiyetlik palata ıqtıyarında qaladı.
ÓzA