Senatta “Ózbekstan – Estoniya” hám “Estoniya – Ózbekstan” birge islesiw boyınsha parlamentleraralıq toparlardıń onlayn ushırasıwı bolıp ótti.
Sóylesiwde eki mámleket arasındaǵı doslıq qatnasıqlar izbe-iz rawajlanıp atırǵanı, bul birge islesiw bekkem tariyxıy tiykarlarǵa iye ekeni jáne óz-ara húrmet hám isenim principleri tiykarında rawajlanıp atırǵanı ayrıqsha atap ótildi.
Ushırasıw waqtında parlamentleraralıq birge islesiwdi bunnan bılay da bekkemlew máseleleri boyınsha hár tárepleme pikir alısıldı. Atap aytqanda, parlamentleraralıq toparlardıń jumıs nátiyjeliligin arttırıw, parlamentlik qadaǵalaw mexanizmlerin jetilistiriw hám bul baǵdarda óz-ara tájiriybe almasıw máselelerine toqtap ótildi.
Nızam dóretiwshiligi tarawındaǵı birge islesiwdi keńeytiw, aldıńǵı tájiriybeler menen ortaqlasıw hám parlamentleraralıq sóylesiwdi jańa mazmun menen bayıtıw máselelerine ayrıqsha itibar qaratıldı.
Tárepler delegaciyalar almasıwı hám turaqlı sóylesiwler arqalı birge islesiwdi jáne de jedellestiriwden mápdar ekenin bildirdi.
N.Abduraimova, WzA