Rossiya hám AQSh prezidentleri ótken jıldıń dekabr ayınan berli birinshi márte telefon arqalı sóylesti, dep xabar berdi DW basılımı.
Putinniń járdemshisi Yuriy Ushakovtıń málim etiwinshe, olar sáwbet dawamında Iran hám Ukrainadaǵı urıstı dodaladı hám bul sáwbet Tramp baslaması menen bolıp ótken.
Rossiya prezidenti Vladimir Putin 9-mart kúni amerikalı kásiplesi menen telefon arqalı sóylesiwde Irandaǵı kelispewshilikti sheshiw boyınsha óz usınısların bildirgen. Bul haqqında bir qansha Rossiya ǴXQları Putin járdemshisiniń bayanatına súyenip xabar tarqattı.
Kreml maǵlıwmatına bola, Putin Ukrainada tınıshlıq ornatıwǵa qaratılǵan dáldalshılıq háreketleri ushın AQSh hám jeke Tramptıń háreketlerin unamlı bahalaǵan. Sóylesiw shama menen bir saat dawam etken hám Kremldiń bildiriwinde aytılǵanınday, “issheńlik, ashıq” ruwxta ótken.
Sáwbette Putinniń qanday usınıslar bergenligi ashıq aytılmaǵan. Vashingtonda bolsa Tramptıń Putin menen bolıp ótken telefon sóylesiwi házirshe rásmiy túrde túsindirilmedi.

Qaraqalpaqstan xabar agentligi