Kóksaray rezidenciyasında Xalıqaralıq hayal-qızlar kúni múnásibeti menen bayram ilajı dawam etpekte. Prezident Shavkat Mirziyoev pútkil Ózbekstan hayal-qızların 8-mart – Xalıqaralıq hayal-qızlar kúni menen qızǵın qutlıqladı.
Elimizde hayal-qızlardıń huqıq hám máplerin támiyinlew, mashqalaların sheshiw boyınsha pútkilley jańa sistema jaratılǵanı atap ótildi.
Barlıq nızam, párman hám qararlardı qabıl etiwde gender máselesi boyınsha huqıqıy mexanizmler engizildi. Endi hayal-qızlardıń huqıqları menen máplerine tásiri bahalanbay turıp, birde-bir nızam qabıl etilmeydi.
Jaratılǵan keń imkaniyat hám sharayatlar esabınan 230 mıńǵa shamalas isbilermen hayal-qızlar klası qáliplesti, miynetkesh fermer hayal-qızlarımız 12 mıńnan astı. Ilimniń rawajlanıwına úlken úles qosıp atırǵan ilimpazlarımız 6 mıńnan arttı. Ótken jılı dúnya arenalarında márt qızlarımız 167 altın, 193 gúmis, 243 qola medalın qolǵa kirgizdi.
Hayal-qızlarımız turmısındaǵı mine usınday úlken ózgerisler dúnya jámiyetshiligi tárepinen tán alınbaqta.
Atap aytqanda, Ózbekstan Parlamentleraralıq awqamnıń “Parlamenttegi hayal-qızlar” reytinginde 92 tekshe joqarılap, 36-orındı iyeledi. “Gender teńlik hám basqarıw” indeksinde 103-orınnan 52-orınǵa kóterildi. Jáhán bankiniń “Hayal-qızlar, biznes hám nızam” indeksinde bolsa óz poziciyasın 43 tekshege jaqsılap, 48-orınǵa shıqtı.

ÓzA