Prezident Shavkat Mirziyoev pútkil Ózbekstan hayal-qızların 8-mart – Xalıqaralıq hayal-qızlar kúni menen qızǵın qutlıqladı.
– Insan turmısın, jámiyettiń rawajlanıwın hayal-qızlarsız, olardıń jaqsı pazıyletlerisiz kóz aldımızǵa keltirip bolmaydı. Biz sizlerdiń tımsalıńızda Úshinshi Renessanstıń dóretiwshisi bolıp, maydanǵa shıǵıp atırǵan 22 million jas áwladtı analıq mehir menen tárbiyalap, kamalǵa keltirgen ullı bir kúshti kóremiz.
Sizler isbilermen, ilimpaz, muǵallim, shıpaker, injener, mámleketlik hám jámiyetlik ǵayratker, bir sóz benen aytqanda, shańaraqlarımızdıń perishtesi, shańaraq hám jámiyettiń tayanıshı, desek, áyne haqıyqattı aytqan bolamız, – dedi mámleketimiz basshısı.

ÓzA