Tramp hákimshiliginiń joqarı mártebeli lawazımlı shaxsları AQSh urıstıń birinshi kúninde Irandaǵı qızlar baslawısh mektebine hawa hújimin shólkemlestirgeni boyınsha ele tergew alıp barıp atırǵanın málim etti.
The New York Times gazetasınıń jazıwınsha, bul hújim AQSh-Izraildiń Iranǵa qarsı kampaniyasındaǵı eń qáwipli waqıyalardan biri bolǵan, keminde 175 adam qaytıs bolǵan, olardıń kópshiligi balalar.
Sárshembi kúni bolıp ótken brifingte Aq úy baspasóz xatkeri Karolin Livitten AQSh mektepke hawa hújimi shólkemlestirdi me, degen sorawǵa juwap alındı.
– Biliwimizshe, joq. Qorǵanıw ministrligi bul waqıyanı tergewde. AQSh puqaralıq obektlerine hújim etpeydi, jınayatshı Iran rejimi bolsa puqaralıq obektlerine hújim etedi, balalardı óltiredi hám sońǵı bir neshe háptede mıńlap óz puqaraların óltirdi, – dep juwap berdi Livitt.

Qaraqalpaqstan xabar agentligi