Prezident Shavkat Mirziyoevtiń basshılıǵında farmacevtika tarawın rawajlandırıw boyınsha tiykarǵı wazıypalarǵa baǵıshlanǵan videoselektor májilisi baslandı. Ilajda farmacevtika kárxanalarınıń wákilleri de qatnaspaqta.
Original dári jaratılǵannan 20-30 jıl ótip, basqa farmacevtika kárxanaları da bul dárini islep shıǵarıwı múmkin. Qaysı kompaniya háreket etip, usı dárini islep shıǵarıw texnologiyasın tezirek ózlestirse, shek sonıki boladı.
Eń áhmiyetlisi, talap joqarı bolǵan bunday dárilerdiń ishki bazardaǵı bahası 5 esege shekem arzan boladı.
Sol sebepli, mine, usınday dári quralların bir jıl ishinde ózimizde islep shıǵarıwdı baslaǵan kárxanalardıń texnologiyalardı transferlew qárejetiniń yarımı Farmacevtika qorınan qaplap beriledi.
Sonday-aq, eń kóp import etilip atırǵan 100 túrdegi dári-dármaqlardı islep shıǵarıwdı kóbeytemen degen isbilermenler ushın “Tashkent farma park” klasteri aymaǵı jáne 100 gektarǵa keńeytiledi.
Qubla koreyalı birge islesiwshiler ótken jılı “Tashkent farma park”ke qosıp berilgen 60 gektar jerdi basqarıwǵa alıw usınısın bergen. Olar óz esabınan infrastrukturaǵa 40 million dollar kirgizip, bul aymaqqa Koreyanıń abıraylı kompaniyaların alıp keliw tilegin bildirgen.
Juwapkerlerge bul baǵdardaǵı sóylesiwlerdi juwmaqlap, biofarmacevtika hám kosmetika baǵdarında keminde 400 million dollarlıq joybarlardı qáliplestiriw tapsırıldı.

ÓzA