“Ózbekstan – Germaniya” hám “Germaniya – Oraylıq Aziya” parlamentleraralıq birge islesiw toparlarınıń onlayn ushırasıwı bolıp ótti.
Sóylesiw dawamında parlamentleraralıq birge islesiwdi Ózbekstan – Germaniya qatnasıqlarınıń tiykarǵı baǵdarı sıpatında jáne de jedellestiriw máseleleri dodalandı.
Oliy Majlis Senatı hám Germaniya Bundestagi arasındaǵı birge islesiwge itibar qaratıldı.
Sonıń ishinde, Parlamentleraralıq Awqam hám EQBSh Parlament assambleyası sheńberinde sistemalı hám jedel rawajlanıp atırǵanı, “Ózbekstan – Germaniya” hám “Germaniya – Oraylıq Aziya” birge islesiw boyınsha parlamentleraralıq toparları nızam dóretiwshiligi tarawında nátiyjeli platformaǵa aylanǵanı atap ótildi.
Komitetler arasındaǵı turaqlı sóylesiw hám óz-ara sapar etiwler áhmiyetli máselelerdi dodalawǵa xızmet etip atırǵanı ayrıqsha atap ótildi.
Ushırasıwda eki tárepleme sawda-ekonomikalıq hám investiciyalıq birge islesiw, sonday-aq, bilimlendiriw hám gumanitarlıq tarawlarda sheriklikti keńeytiw áhmiyetli ekenligine itibar qaratıldı.

N.Abduraimova, ÓzA