Bul haqqında Prezident Shavkat Mirziyoevtiń “Kóksaray” rezidenciyasında jaslar menen dawam etip atırǵan sóylesiwinde atap ótildi.
Mámleketimizde hár hápteniń piyshembi kúni ministrlikler, uyımlar hám hákimliklerde “Jaslar kúni” bolatuǵını belgilendi.
Sol kúni tarawǵa juwapker basshılar máhálle, mektep hám texnikumlarǵa barıp, jaslardı tıńlaydı hám mashqalasın sheshedi.
Hákimler jaslarǵa mólsherlengen sawda-servis joybarların isleydi, jaslardıń bilim alıwı, sport penen shuǵıllanıwı, kásip hám til úyrenip, jumısqa kiriwi yamasa isbilermenlik penen shuǵıllanıwına járdemlesedi, startapshılar menen ushırasıwlar ótkerip, óz aldına qarjı hám grantlar ajıratadı.
Eń jaqsı qıytaq jer iyesi, fermer, sanaatshı, startapker, dóretiwshi, ruwxıy hám basqa da tarawlardaǵı jaslar ushın qızıqlı temalarda tańlaw hám yarmarkalar ótkeriledi.

ÓzA