Húrmetli Ullı Mártebeli Mırza Donald Tramp!
Húrmetli sammit qatnasıwshıları!
Bárinen burın, Amerika Qurama Shtatları Prezidenti Ullı Mártebeli Mırza Donald Trampqa Tınıshlıq Keńesiniń inauguraciya májilisin shólkemlestirgeni ushın shın júrekten minnetdarshılıq bildiremen.
Búgingi sammit bul Prezident Tramptıń siyasiy erk-ıqrarı hám pragmatizminiń nátiyjesi ekenligine gúman joq.
Ózbekstan Tınıshlıq keńesin dúziw boyınsha tınıshlıqtı súyiwshi baslamanı qollap-quwatladı hám onıń tabıslı ámelge asırılıwı jolında óziniń ámeliy qatnasın isenimli bildirdi.
Keńestiń jumısı Gaza regionın ekonomikalıq hám sociallıq qayta tiklew ushın qolaylı sharayat jaratıwǵa imkaniyat beretuǵınına isenemen.
Sonıń menen birge, Gazanıń hár qanday sırtqı basqarıw mexanizmi sektor xalqınıń sózsiz ishki qollap-quwatlawına súyeniwi kerek.
Barlıq táreplerdiń muwapıqlastırılǵan háreketleri Gazanı tez waqıt ishinde qayta tiklew ushın zárúr sharayatlardı jaratıwǵa, kelispewshilikten keyingi processlerdi turaqlastırıwǵa xızmet etedi.
Ózbekstan bul aymaqta turaq jaylar, balalar baqshaları, mektep hám emlewxanalar qurıwǵa ilajı bolǵanınsha úles qosıwǵa tayar ekenin atap ótemen.
Húrmetli doslar!
Bul sammit Donald Tramp atındaǵı Tınıshlıq institutında ótkerilip atırǵanında rámziy mánis jámlengen.
Biziń ushırasıwımız xalıqaralıq tilekleslik, tınıshlıqtı súyiwshilik hám Jaqın Shıǵıstaǵı jaǵdaydı jaqsılawǵa bolǵan ulıwma umtılısımızdıń ayqın kórinisi bolıp tabıladı.
Biz Jańa Gazanı – ekonomikası abadan, xalqı ushın múnásip turmıs sharayatlarına iye bolǵan regiondı qurıw ushın bul tariyxıy imkaniyattan paydalanıwımız zárúr.
Itibarıńız ushın raxmet.