Orınlarda isbilermenlikti rawajlandırıw ushın kredit resursları kóbeyip barmaqta. Biraq hákimler bunıń ekonomikalıq ósimge, jumıs ornı hám byudjetke tásirin esap-sanaq etpey atır.
Máselen, Topıraqqala, Kitap, Yakkabaǵ hám Paxtachi qalalarında ajıratılǵan kreditler keminde 20 procentke artqan bolsa, sanaat ósimi 3 procent te bolmaǵan.
Eger wálayat hákimleriniń birinshi orınbasarları bul kárxanalardıń mashqalasın tıńlap, óz waqtında sheshim tapqanda, respublika sanaatında qosımsha 1 procent, jalpı ishki ónimde 0,1 procent ósim bolǵan, byudjetke qosımsha 1 trillion sum túsim túsken bolar edi.
Bas prokuraturaǵa keyingi úsh jılda iske qosılǵan, biraq tómen quwatlıqta islep atırǵan joybarlardı, bul kárxanalardıń jumısına tosqınlıq etip atırǵan hár bir máseleni birme-bir úyreniw tapsırıldı.
Ulıwma, juwapkerlerge respublika sanaatın keminde 8,5 procentke ósiriw boyınsha tarmaqlar hám aymaqlar kesiminde rejeni tastıyıqlaw wazıypası qoyıldı.
Birinshi sherek juwmaǵı menen sanaat kárxanalarında neshe másele anıqlanıp, qanshası sheshilgenine qarap, ekonomikalıq kompleks, tarmaq basshıları, wálayat hákimleriniń jumısına baha beriletuǵını atap ótildi.

ÓzA