Qaraqalpaqstan Respublikası prokurorı Sh.Aminovtıń basshılıǵında Prezidenttiń 2021-jıl 30-dekabrdegi “Respublikada kóklemzarlastırıw jumısların jedellestiriw, tereklerdi qorǵawdı bunnan bılay da nátiyjeli shólkemlestiriw ilajları haqqında”ǵı Pármanınıń orınlanıwı boyınsha májilis bolıp ótti.

Májiliste, aymaqlarda abadanlastırıw hám kóklemzarlastırıw jumısların ámelge asırıwda tiyisli dizim tiykarında aymaqlarǵa biriktirilgen ministrlik, uyım hám shólkemlerdiń basshılarınıń hár biri menen óz aldına sáwbetlesilip, jumıslardı durıs hám sapalı shólkemlestiriw, ásirese, Respublika prokurorına biriktirilgen 4 rayonda 35 marshrutqa biriktirilgen ministrlik, uyım hám shólkemlerdi traktor hám arnawlı texnikalar menen óz waqtında, tolıq támiyinlew wazıypaları belgilep alındı.
Belgilengen wazıypa hám tapsırmalardıń orınlanıwın támiyinlewde jumıslardı dáslep aymaqtı jabayı shóplerden tazalaw, shıǵındılardı alıp shıǵıw, jerlerdi egiske tayar halatqa keltiriwden baslap, ıqlım sharayatına sáykes bolǵan nállerdi durıs tańlaw, sayamanlı hám miyweli nállerdi orınlarǵa durıs bólistiriw boyınsha tapsırmalar berilip, orınlanıwı qadaǵalawǵa alındı.

Qaraqalpaqstan xabar agentligi