Usı jıl 17-oktyabrde “Ózbekstan temir jolları” AJǵa qaraslı temir jol vokzalı, temir jol stanciyası hám temir jol razezdi atamaların mámleketlik til qaǵıydaları hám normaları tiykarında qayta ataw ilajları haqqında”ǵı Húkimet qararı qabıl etildi.

Qararǵa muwapıq, “Ózbekstan temir jolları” AJ hám Transport ministrligi 3 ay ishinde respublikadaǵı 320 temir jol obekti – vokzal, stanciya hám razezdlerdiń atamaların mámleketlik til normalarına muwapıq latın jazıwında qayta tártipke keltiredi.
Bunnan gózlengen maqset temir jol tarmaǵında birden-bir til standartın engiziw hám ózbek tiliniń abırayın keńeytiwden ibarat. Barlıq tablichkalar málimleme belgilerindegi jazıwlar hám rásmiy hújjetlerdegi atamalar latın jazıwına tiykarlanǵan ózbek álipbesine sáykes túrde jańalanadı.
Qararǵa bola, 3 ay ishinde jańa atamalar barlıq obektlerde qollanılıwı talap etiledi. Ózgertilgen atamalar maǵlıwmatlar bazalarına kirgiziledi, huqıqıy hújjetler, rásmiy jazıwlar beyimlestiriledi.
Ózgerisler arqalı mámleketlik tildiń imkaniyatları keńeytiledi hám jazıw da bir pútin formaǵa keltiriledi. Sonday-aq, temir jol tarmaǵı tárepinen paydalanılatuǵın atamalar xalıqaralıq hám jergilikli baylanıslarda anıqlıq kirgizedi.

ÓzA