2025-jıl 17-oktyabrdegi “Ózbekstan Respublikasınıń ayırım nızam hújjetlerine kelispewshiliklerdi alternativ sheshiwde mediaciya institutın jetilistiriwge qaratılǵan ózgeris hám qosımshalar kirgiziw haqqında”ǵı nızam menen mediaciya tarawı jáne de jetilistirildi.

Nızamǵa kirgizilgen ózgeris hám qosımshalarǵa bola, puqaralar, isbilermenlik subektleri arasındaǵı kelispewshiliklerdi nátiyjeli hám operativ túrde sheshiw, mediaciya tártip-qaǵıydalarınıń barlıq orınlarda qollanılıwın xoshametlew arqalı sudlardaǵı júklemeni optimallastırıw belgilengen.
Mediativ kelisim tárepler tárepinen ıqtıyarlı túrde orınlanbaǵan jaǵdayda, onı májbúriy orınlaw ushın orınlaw qaǵazın beriw haqqındaǵı is mediativ kelisimdi dúzgen táreptiń arzasına bola kórip shıǵıladı.
Mediativ kelisimdi májbúriy orınlaw ushın orınlaw qaǵazın beriw mediativ kelisim nızamshılıqqa qayshı bolsa, mediativ kelisimniń orınlanıwı talap etilip atırǵan shártleri ózgertilgen yamasa biykar etilgen bolsa, mediativ kelisimde belgilengen minnetlemeler tolıq orınlanǵan bolsa, mediativ kelisimdi májbúriy orınlaw ushın orınlaw qaǵazın beriw haqqındaǵı arza mediativ kelisimdi ıqtıyarlı orınlaw múddeti tamamlanǵan kúnnen baslap altı ay ótkennen soń berilgen bolsa, biykar etiledi. Ótkerip jiberilgen múddet sud tárepinen keshirimli dep tabılǵan hám tiklengen jaǵdaylar buǵan kirmeydi.
Mediator tárepinen mediaciya haqqındaǵı nızamshılıq talapları, mediatordıń kásiplik etikası qaǵıydalarınıń buzılǵanlıǵı oǵan intizamiy jaza sharaları qollanılıwına sebep boladı.

ÓzA