Ózbekstan Respublikası Prezidenti Administraciyası basshısınıń orınbasarı Hilola Umarova respublikamızda bolıp, juwapkerler menen ushırastı.

Eń dáslep Hilola Umarova Nókis qalasında jańadan boy tiklegen 55-sanlı ulıwma bilim beriw mektebinde bolıp, onda jaratılǵan sharayatlar menen jaqınnan tanıstı.
Sońınan Berdaq atındaǵı Qaraqalpaq mámleketlik universitetinde joqarı oqıw orınları rektorları hám texnikumlar direktorları menen ushırasıw ótkerdi.
Onda bilimlendiriw tarawında ámelge asırılıp atırǵan reformalar hám jańalıqlar haqqında sóz etilip, qatnasıwshılardıń pikir-usınısları tıńlandı.
Bunnan soń H. Umarova «Mono orayı»na hám 2-sanlı medicina texnikumına da barıp, juwapkerler menen óz-ara pikirlesti.
Ilajǵa Qaraqalpaqstan Respublikası Joqarǵı Keńesiniń komitet baslıǵı M.Atamuratov hám Qaraqalpaqstan Respublikası Ministrler Keńesi Baslıǵınıń orınbasarı B.Otemuratovlar qatnastı.

Qaraqalpaqstan xabar agentligi