Májiliste Prezident Administraciyasınıń qadaǵalaw inspekciyasınıń jumısı sın kózqarastan kórip shıǵıldı.
“Qadaǵalaw inspekciyasına nege sonsha wákillik berilgen? Ministrlerge jaqsı kóriniw ushın, olar ne berse, sonı kóterip kelmesten, máselelerdi úyrenip, ayıpkerlerdi jazalaw boyınsha nege usınıs kirgizbeydi?,”
– dedi mámleketimiz basshısı.
Jumısındaǵı kemshilikler hám mashqalalardı esapqa alıp, Prezident Administraciyasınıń qadaǵalaw inspekciyasın búgin-aq saplastırıwǵa qarar etildi.
Sonlıqtan orınlaw tártibin bekkemlew, xalıqtıń mashqalaları menen islesiw boyınsha pútkilley jańa sistema jaratılatuǵını belgilendi.
Bunnan bılay atqarıw tártibine Esap palatası juwapker boladı, onıń wákillikleri keńeytiledi.
Endigiden bılay, Esap palatası qararlar menen berilgen qarjılardı tek ǵana durıs jumsalıwın emes, al ne nátiyje bergeni, xalıq bunnan qanshelli razı bolǵanın da úyrenedi.
Palata baslıǵı hár bir qarardıń orınlanıw nátiyjeliligin tallap, ázzi noqatlar, “arbasın tartpay atırǵan” basshılar hám islemey atırǵan sistemalar boyınsha óz usınısın hár ayda Prezidentke kirgizedi.
ÓzA