Ózbekstan Respublikası Prezidenti Shavkat Mirziyoev, Evropa keńesi Prezidenti Antoniu Koshta hám Evropa komissiyası Prezidenti Ursula fon der Lyayenniń qatnasıwında mámleketimizde Evropa investiciya bankiniń regionallıq ofisin shólkemlestiriw haqqında kelisimge qol qoyıldı.

1958-jılı dúzilgen Evropa investiciya banki Evropa Awqamınıń jetekshi finanslıq institutı bolıp esaplanadı.
Ofistiń Tashkent qalasında ashılıwı óz-ara paydalı birge islesiwdi keńeytiw, Ózbekstanda hám ulıwma Oraylıq Aziyada «jasıl» ekonomika, innovaciyalıq sanaat hám zamanagóy infrastrukturanı rawajlandırıwǵa tartılıp atırǵan investiciyalar kólemin arttırıw imkaniyatın beredi.

ÓzA