Geyde balalar eresek adamlarǵa qaraǵanda kóp aqsha tabatuǵın jaǵdaylar da ushırasıp turadı. Bul kóbinese rawajlanǵan mámleketlerde ushırasadı. Balalıq dáwirinen baslap misli kórilmegen dárejede kóp aqsha tawıp atırǵan balalar haqqında Rich Kids of Today saytı maǵlıwmat járiyaladı.


Dizimniń birinshi orınında Youtube kanalında 3 jıldan berli oyınshıqlardı reklama etip júrgen 7 jaslı Rayan tur. «Ryan Toys Review» kanalında onıń reklamalıq baǵdarlaması eń kóp márte kórilgenler qatarında turadı. Rayan jılına 11 million AQSh dolları muǵdarında aqsha tabadı.


Ekinshi orındı belgili qosıqshı Sianıń kliplerinde ayaq-oyınǵa túsip, belgili bolıp ketken Meddi Zigler iyelegen. Onıń jıllıq tabısı – 5 million dollar.


Úshinshi orında jılına 5 million dollarǵa shamalas aqsha tabatuǵın «Stranger Things» serialındaǵı aktrisa, 14 jaslı Milli Bobbi Broun kórsetilgen.


Tórtinshi orın «Modern Family» serialındaǵı roli arqalı hár jılı 4 million dollar aqsha tabatuǵın 10 jaslı Obri Anderson-Emmonsqa nesip etken.


Besinshi orında – Finn Vulfard, onıń jıllıq tabısı – 3 million dollardı quraydı.


Altınshı orındı Djeykob Satorias 3 million dollarlıq tabısı menen bánt etken.

Bunnan keyingi orınlardı Sindi Krauford hám Kaiya Jerberler iyelegen. Olardıń jıllıq tabısı 500 mıń dollardı quraydı.

Islam Matekov,

Qaraqalpaqstan xabar agentliginiń sholıwshısı.