Insaniyat qolı menen awır apatshılıqqa ushıraǵan. Aral teńiziniń jaǵaları búgingi kúnde turistler ushın dem alıw aymaǵına aylanbaqta. Dúnyanıń túrli mámleketlerinen keletuǵın turistler bul aymaqqa keletuǵın turistler bul aymaqqa adamzattıń ornı tolmas qátesi sebepli jan táslim etip atırǵan ullı kóldi óz kózi menen kóriwdi maqset etip keledi.
-Áyne waqıtta Aral teńiziniń suwı saqlanıp qalǵan Aqtumsıq murnında teńiz jaǵalarında turistlerdiń seyil etiwi, teńizdiń duzlı suwanda júziwi hám tákirarlanbas Aral, Ústirt landshaftlarınan kewili tolıwı múmkin,-deydi Qaraqalpaqstan Respublikası turizmdi rawajlandırıw basqarmasınıń baslıǵı Bayram Qosekeev. – Ózbekstan Respublikası Ministrler Kabineti tárepinen tastıyqlanǵan baǵdarlama boyınsha «Tazabay Grand Service» jáne «Muinok tour» juwapkershiligi sheklengen jámiyetleri tárepinen Aqtumsıq murınında qara úylerden ibarat turistlik kompleksler shólkemlestirildi. Házirgi waqıtta Aqtumsıq murınında ulıwma 13 qara úy tigilgen. Bul kompleksler biohájetxana, asxana, sanuzel, dushxanalardı óz ishine aladı.
Bunnan tısqarı «Muinok tour» kárxanası tárepinen Moynaq rayonında eski Aral teńizinde, yaǵnıy «Ashıq aspan kemeler muzeyi» átirapında 4 qara úyli jaylar turistlerge xızmet etpekte.
Bul aymaqta «Moynaq» mayagi hám kafesi shólkemlestirilgen. Bul obekttiń átirapı abadanlastırılǵan. Aral teńiziniń kartaları hám tariyxı jazıp qoyılǵan. Moynaq qalasınıń oraylıq kóshesinen «Ashıq aspan kemeler muzeyi»ne alıp baratuǵın jol asfaltlanǵan hám rayon orayında 30-40 xızmet kórsetetuǵın jańa eki miymanxana jumıs júrgizbekte.
– Ózbekstan boylap eki hápteden berli sayaxat etpektemen,-deydi franciyalıq Muniya Muni. -Qurıp atırǵan Aral teńizin óz kózim menen kóriw arzıwım edi. Bul jerde ekoturizmniń rawajlanıp atırǵanınan quwanıshlıman. Barlıq doslarıma álbette Aralǵa sayaxat etiwin usınaman.
Ózbekstan Respublikası Prezidentiniń «Qaraqalpaqstan Respublikası Moynaq rayonın 2017-2018-jıllarda ekonomikalıq rawajlandırıw hám bántlikti támiyinlewge baylanıslı qosımsha ilajlar haqqında»ǵı qararı tiykarında
Anvar Nasirlaev,
WzA