Ekologiya tarawında jumıs alıp barıp atırǵan jurnalistlerdiń mamanlıǵın arttırıw, qorshaǵan ortalıq hám onı qorǵawdaǵı mashqalalardı sáwlelendiriwde ǴXQnıń rolin kúsheytiw maqsetinde Ózbekstanda 16 jıldan berli Ekojurnalistika milliy tańlawı ótkerilmekte.
2017-2018-jıllarda Ekojurnalistika Respublikalıq tańlawı Ózbekstan Ekologiyalıq háreketi, Ózbekstan Respublikası Oliy Majlisi Nızamshılıq palatasınıń Málimleme xızmeti, Nızamshılıq palatasınıń Ekologiya hám qorshaǵan ortalıqtı qorǵaw máseleleri boyınsha komiteti, Ózbekstan Respublikası Oliy Majlisi janındaǵı Mámleketlik emes kommerciyalıq emes shólkemlerdiń hám puqaralıq jámiyetiniń basqa da institutların qollap-quwatlaw jámiyetlik qorı, Ózbekstan Respublikası Ekologiya hám qorshaǵan ortalıqtı qorǵaw boyınsha mámleketlik komiteti, Ózbekstan Kásiplik awqamları federaciyası, Ózbekstan Milliy málimleme agentligi, Ózbekstan Jurnalistleri dóretiwshilik awqamı, Ózbekstan mámleketlik emes kommerciyalıq emes shólkemleriniń milliy associyası, Ózbekstan biyǵárez ǴXQ menen málimleme agentliklerin qollap-quwatlaw hám rawajlandırıw jámiyetlik qorı, Ózbekstan mámleketlik emes kommerciyalıq emes shólkemleriniń ekoforumı tárepinen ótkerilmekte.
Tańlawǵa 2017-jıldıń 1-mayınan 2018-jıldıń 1-mayına shekem Ózbekstan Respublikası aymaǵında ǵalaba xabar qurallarında basılıp shıqqan hám efirge jiberilgen dóretiwshilik jumıslar usınıladı. Milliy tańlaw shártlerine tiykarlanıp «Televidenie», «Radio», «Baspa ǴXQ», «Internet» baǵdarlarında hám «Suw-bul ómir» temasında arnawlı nominaciya boyınsha dóretiwshilik jumıslar qabıl etiledi.
Ózbekstan Milliy teleradiokompaniyası, Ózbekstan Milliy málimleme agentligi, «Xalq swzi» hám «Narodnoe slovo» gazetaları, «Jamiyat» jámiyetlik-siyasiy gazetası, www.fundngo.uz, www.eco.uz, www.uznature.uz, www.ngo.uz, www.ecoforum.uzveb-betleri Ekojurnalistika Respublikalıq tańlawanıń málimleme járdemshileri bolıp esaplanadı.
Tańlawǵa dóretiwshilik jumıslar 2018-jıldıń 20-aprelinen 2018-jıldıń 20-mayına shekem Ózbekstan Ekologiyalıq háreketinde (Mánzil: Tashkent qalası, Mustaqillik kóshesi, 59-jay) elektron túrinde info@eco.uzarqalı qabıl etiledi.
Shólkemlestiriw komiteti menen baylanısıw: 0371 230-41-53,e-mail: info@eco.uz