Prezident qarori bilan 2018 yil 1 iyun kuni Dushanbe shahrida MDH ishtirokchi-davlatlarning hukumat rahbarlari Kengashi yigʻilishida imzolangan Bitim tasdiqlandi.

Bu haqida Adliya vazirligining “Huquqiy axborot” kanali maʼlum qildi.

Eslatib oʻtamiz, ushbu bitim Mustaqil Davlatlar Hamdoʻstligi ishtirokchi-davlatlarining intellektual mulk bozorini shakllantirish va rivojlantirishni tartibga solishga qaratilgan.

Mazkur xalqaro shartnomani amalga oshirish uchun Intellektual mulk agentligi masʼul markaziy organ etib belgilandi.