O‘zbekiston Jurnalistlar uyushmasi tomonidan O‘zbekiston Yozuvchilar uyushmasi va bir qator tashkilotlar hamkorligida Qurolli Kuchlarimiz tashkil etilganining o‘ttiz uch yilligi hamda Vatan himoyachilari kuni munosabati bilan “Vatan – aziz, jasorat – mangu!” respublika tanlovi o‘tkazilishi e’lon qilinadi.

Tanlovga “Yangi O‘zbekiston armiyasi – mamlakat tayanchi, xalqimiz faxri!” degan bosh g‘oyani o‘zida mujassam etgan jurnalistik materiallar, yozuvchi va shoirlarning asarlari qabul qilinadi.

“Vatan – aziz, jasorat – mangu!”  tanlovi quyidagi nominatsiyalar bo‘yicha o‘tkaziladi:

1. OAV vakillarining jurnalistik materiallari bo‘yicha; (bu yo‘nalishda bosma OAV, internet nashrlari va telekanallar jurnalistlari ishtirok etishlari mumkin)

2. Yozuvchi va shoirlarning badiiy asarlari bo‘yicha;

Eslatma: hujjatlar elektron tartibda qabul qilinadi.

Tanlovga taqdim etilgan ijodiy ishlarga quyidagi hujjatlar ilova qilinishi lozim:

– muallif va uning professional faoliyati to‘g‘risida qisqacha ma’lumot;

– muallifning pasport nusxasi;

– muallifning manzili va bog‘lanish telefonlari.

Tanlovga 2024 yilning 20 yanvaridan 2025 yilning 1 yanvarigacha bo‘lgan davrda e’lon qilingan materiallar – asarlar 2025 yilning 3 yanvarigacha qabul qilinadi.

Tanlov g‘oliblari O‘zbekiston Respublikasi Qurolli Kuchlari tashkil etilganining o‘ttiz uch yilligi hamda Vatan himoyachilari kuni bayrami arafasida mukofotlanadilar va ularning ro‘yxati matbuotda e’lon qilinadi.

Ijodiy ishlar “Vatan – aziz, jasorat– mangu!” tanloviga deb ko‘rsatilgan holda quyidagi elektron manzillarga yuborilishi lozim:

O‘zbekiston Jurnalistlari uyushmasi, 100011. Toshkent shahri, Navoiy ko‘chasi, 30-uy. Tel.: 71 244-64-62 (+998994661025 raqamdagi telegram manzil)

O‘zbekiston Yozuvchilar uyushmasi, 100066, Toshkent shahri, Bunyodkor ko‘chasi, Adiblar xiyoboni.tel. 71 231-83-49 (+998944108017 raqamdagi telegram manzil)

Tashkiliy qo‘mita