Turkiyaning Antaliya shahrida ayollar o‘rtasida tennis bo‘yicha W15 tasnifiga kiruvchi xalqaro turnir o‘tkazilmoqda. Unda Sabrina Olimjonova mamlakatimiz sharafini muvaffaqiyatli himoya qilmoqda.
Sabrini xalqaro turnirning juftlik bahslarida neytral tennischi Ulyana Grabavets bilan tandem hosil qilib, ilk bosqichda AQSH vakillari Baylen Braun va Jamila Snellsni 6:3, 6:2 hisobida yengdi.
Shu tariqa chorak finalga chiqqan Sabrina va Ulyana yarim final yo‘llanmasi uchun o‘tadigan bellashuvda ruminiyalik Briana Sabo va germaniyalik Anjelina Virges juftligi bilan raqobatlashadi.
Ma’lumot o‘rnida: Sabrina Olimjonova yakkalik uchrashuvlarning saralash bosqichida ishtirok etib, turkiyalik Jeylin Gunay, neytral tennischi Ulyana Grabavetsni yenggan edi. Afsuski, asosiy to‘r bahslariga o‘tish o‘yinida kanadalik Klemans Mersega imkoniyatni boy berib qo‘ydi.
Javohir Toshxo‘jayev,
O‘zA