AQSHda bo‘lib o‘tayotgan prezident saylovida berilgan ovozlar oxirigacha sanab chiqilmagan bir paytda ayrim ommaviy axborot vositalari Donald Trampning g‘alabasini e’lon qilishga ham ulgurishdi. To‘g‘ri, oxirgi ma’lumotlardan Respublikachi nomzod kichik farq, aniqrog‘i 247 ga 210 ovoz bilan Demokrat raqibi Kamala Xarrisni ortda qoldirayotgani ma’lum edi. Hozirgina “The Hill” nashri sobiq prezident g‘alaba uchun yetarli hisoblanadigan 270 ovozni to‘plab bo‘lgani va g‘alaba qozongani haqida yozdi.

Garchi, hali saylov natijasi rasman tasdiqlanmagan bo‘lsa-da, muhim siyosiy jarayonni kuzatib borayotgan butun dunyodagi boshqa ko‘plab nashrlar ham ushbu yangilikni tarqatmoqda. Yakuniy axborotni kutamiz.

O‘zA