AQSHning Nevada shtati Las-Vegas shahrida o‘tkazilgan professional boks turnirida hamyurtimiz Bektemir Meliqo‘ziyev navbatdagi jangida ringga ko‘tarildi.
Boks kechasining co main-event jangida ikkinchi o‘rta vazn toifasida o‘tgan bahsda Bektemir Meliqo‘ziyev amerikalik Devid Stivensga qarshi chempionlik kamari uchun saralash jangini o‘tkazdi.
O‘n ikki raundga mo‘ljallangan jang to‘liq davom etdi. Shiddatli kechgan jangda hamyurtimiz Meliqo‘ziyev hakamlarning qarori bilan ochkolar hisobida g‘alabaga erishdi. Ushbu muvaffaqiyat Bektemirni ikkinchi o‘rta vazn toifasida WBA chempionlik kamari uchun rasmiy va majburiy da’vogarga aylantirdi.
Aytish lozim, jangdan oldin har ikkala bokschi hisobida 14 tadan g‘alaba va 1 ta mag‘lubiyat bor edi. Bektemirning bugungi g‘alabasi esa uning faoliyatidagi 15-g‘alaba, Stivens faoliyatida esa ikkinchi mag‘lubiyat sifatida qayd etildi.
T. Ro‘ziyev, O‘zA