Qozog‘istonning Olmaota shahrida stol tennisi bo‘yicha qizlar o‘rtasida “Oltin kuz” an’anaviy respublika ochiq turniri o‘tkazildi.
Quvonarlisi, ushbu musobaqada 2012-2013 yillarda tug‘ilgan stol tennischilar o‘rtasida Mahliyo Masharipova, 2014 yil va undan kichik yosh toifalarida Adiya Toshmahamatova bronza medalini qo‘lga kiritdi.
Shuni ta’kidlab o‘tishimiz lozimki, so‘nggi yillarda mamlakatimizda yoshlar o‘rtasida stol tennisini yanada ommalashtirish borasida olib borilayotgan samarali ishlar natijasida turli xalqaro turnirlarda sportchilarimiz ishtirok etib, muvaffaqiyat qozonmoqda.
Bunga misol qilib, bir necha kun oldin BAAning Dubay shaxrida “Youth Contender” turnirida qo‘lga kiritilgan natijani misol qilish mumkin. Ushbu musobaqada yosh stol tennischilarimiz Xusen Iskandarov oltin, Mahliyo Masharipova kumush va Asel Yerkebayeva bronza medaliga sazovor bo‘ldi.
Javohir Toshxo‘jayev, O‘zA