Dunyoning turli burchaklarida kuzatilayotgan o‘ziga xos, qiziqarli va diqqatga sazovor voqealarga, ayniqsa, suratlar yordamida murojaat qilinsa, tasavvurimizda yanada jonli, haqqoniy gavdalanadi.
Demak, “Jahon hafta ichida” rukni orqali ushbu haftada sodir bo‘lgan dunyo voqealari qisqacha tafsilotini e’tiboringizga havola etamiz.
AQSH. Nyu-York aholisi shahardagi “Edge” maydonchasida to‘planib, quyosh tutilishini tomosha qilmoqda.
Iroqning Najaf shahridagi Imom Ali ziyoratgohida shia musulmonlari Ramazon hayiti namozida qatnashmoqda.
Nigeriyaning Lagos shahrida ham mahalliy musulmonlar Ramazon hayiti namozida qatnashmoqda.
Falastinliklar Ramazon hayiti kuni G‘azo sektorida Isroil va HAMAS guruhi o‘rtasida davom etayotgan to‘qnashuvlarda halok bo‘lganlarning qabrlarini ziyorat qilishdi.
Daniyaning Kopengagen shahridagi xiyobonda mahalliy aholi vakillari sayr qilmoqda.
Rossiyaning Orenburg shahrida suv toshqini payti qutqaruvchilar mahalliy aholini evakuatsiya qilmoqda.
Keyptaun. Dengiz toshbaqasi “Two Oceans Aquarium Foundation” nomli toshbaqalarni saqlash markazidagi oynadan qaramoqda.
Shveysariyaning Jeneva shahridagi soatlar ko‘rgazmasida tadbir qatnashchisi o‘zining bir nechta soatlari bilan ishtirok etmoqda.
Yaponiya Bosh vaziri Fumio Kisida sharafiga tashkillashtirilgan Oq uydagi davlat ziyofatiga AQSH sobiq Prezidenti Bill Klinton vauning rafiqasi sobiq Davlat kotibi Hillari Rodxem Klinton ham tashrif buyurdi.
Ispaniyaning Madrid shahrida “Borussiya Dortmund” va “Atletiko Madrid” o‘yini oldidan shahar politsiyasi muxlislarni tartibga solishga urinmoqda.
Ma’buda Kumari qiyofasida kiyingan qizlar Nepalning Bhaktapur shahrida o‘tkaziladigan an’anaviy “Nevari” musiqa festivalida qatnashmoqda.
Ukraina Qurolli kuchlari xalqaro legioni askarlari Kiyev viloyatida harbiy mashg‘ulotlarda qatnashmoqda.
Xitoy sharqidagi Sinxua shahrida joylashgan bog‘ning yuqoridan ko‘rinishi.
Indoneziyaning Vonosobo shahrida har yili o‘tkaziladigan an’anaviy havo sharlari festivalida ishtirokchilar havo sharlarini uchirishga hozirlik ko‘rmoqda.
Ishbilarmon ayol Van Thin Phat Vetnamning Xoshimin shahridagi sudda ishtirok etmoqda. Ko‘chmas mulk kompaniyasining 67 yoshli rahbari Phat xonim mamlakatdagi eng yirik moliyaviy firibgarlik ishi bo‘yicha o‘limga hukm qilindi, deya xabar bermoqda davlat matbuoti. U 12,5 milliard dollar miqdoridagi firibgarlikda ayblanmoqda. Bu raqam mamlakatning 2022 yilgi YAIMning qariyb 3 foizini tashkil qiladi.
Polshaning Varshava shahridagi “Royal Laziyenki” bog‘ida tovus atrofga qaramoqda.
Bangkok shahrida Tailand Yangi yili arafasida poytaxtliklar bir-biriga suv sepishmoqda.
Fransiyalik rassom Baptiste Chebase Parij yaqinidagi o‘z ustaxonasida 30 ming 249 nafar Olimpiya medali sovrindorlarining ismlari yozilgan ulkan qog‘oz o‘ramlarini ochmoqda.
Britaniyalik chavandoz Jeyms Bouyen Liverpul shahrida o‘tkazilayotgan otlar poygasi musobaqasida otdan yiqilib tushdi.
Bu hafta shu.
Kelasi yakshanbada xabarlashguncha!
O‘tkir Mirzo tayyorladi, O‘zA