Sloveniyada Xalqaro tennis federatsiyasi tomonidan ayollar o‘rtasida xalqaro turnir o‘tkazilmoqda va unda hamyurtimiz Nigina Abduraimova ishtirok etmoqda.

Yakkalik bahslarining ilk davrasida Nigina germaniyalik Karolina Kulga qarshi kortga chiqdi. Unda tennischimiz ilk setda 6:4, ikkinchi setda esa 6:1 hisobida zafar quchdi va ikkinchi davraga yo‘l oldi.

Endi mamlakatimizning birinchi raqamli tennischisi Nigina Abduraimova chorak finalga chiqish uchun turkiyalik Ayla Aksuga qarshi o‘yin o‘tkazadi. Shuni ta’kidlab o‘tish lozimki, N.Abduraimova so‘ngi marotaba joriy yilning 5-mart kuni ushbu mamlakatda o‘yin o‘tkazgan edi.

Javohir Toshxo‘jayev, O‘zA