Italiya UNESCO chaqirig‘iga javoban bolalar tomonidan gadjetdan foydalanishni to‘liq taqiqlashga qaror qildi, deb xabar berdi “Trend” axborot agentligi.

Ta’lim vaziri Juzeppe Valditara yangi qoidaga ko‘ra, mamlakatdagi bog‘cha va maktablarda smartfon va planshet ishlatish mumkin emasligini ma’lum qildi. Rasmiylar tomonidan qabul qilingan qaror mamlakatda har doim ham kuzatilmaydigan cheklovni kuchaytiradi.

Mulozim ta’kidlashicha, gadjet diqqatni jamlashga xalaqit beradi, akademik ko‘rsatkichga va umuman o‘quv jarayoniga salbiy ta’sir qiladi, ko‘pincha bolalar va o‘qituvchilar o‘rtasida ziddiyat keltirib chiqaradi.

– Pedagog kadrlarni himoya qilish – nafaqat maktab tizimi, balki demokratik tizimning asosi bo‘lgan vakolat tamoyilini ham himoya qilish demak, – dedi vazir.

Gadjetdan foydalanishga qarshi kurash UNESCO butun dunyo bo‘ylab maktabda smartfondan foydalanishni taqiqlash haqidagi chaqirig‘ini e’lon qilgandan so‘ng boshlandi. Zero, gadjet o‘quvchini chalg‘itadi va ta’lim natijasiga salbiy ta’sir ko‘rsatadi.