Butunjahon boks kengashi (WBC) superog‘ir vazn toifasidagi bokschimiz Bahodir Jalolovni “Istiqbolli bokschi” nominatsiyasi bo‘yicha nomzodlar qatoriga kiritdi.
Bu haqda WBC’ning rasmiy sahifasida xabar berildi. Mazkur nominatsiya yil davomida o‘z iste’dodini namoyish etgan, jahon professional boksida katta o‘sishga erishganlarga taqdim etiladi.
Bahodir Jalolovdan tashqari ushbu sovringa da’vogarlar qatorida irlandiyalik Kallum Valsh, meksikalik Xose Salas, amerikalik Richard Torres va Floyd Shofiyeld hamda Gvatemala vakili Lester Martinezning nomlari keltirilgan.
G‘olib sportchi nomi ovoz berish yo‘li bilan aniqlanadi. Hozirda WBC’ning instagram sahifasida ovoz berish jarayoni davom etmoqda.
T.Ro‘ziyev, O‘zA