Professional bokschimiz Bektemir Meliqo‘ziyev AQSHda navbatdagi jangini o‘tkazdi.

Kaliforniya shtatida “Golden Boy” kompaniyasi tomonidan tashkil etilgan professional boks musobaqasida hamyurtimiz amerikalik Ulises Serraga qarshi ringga ko‘tarildi.

10 raundga mo‘ljallagan uchrashuv 3-raundda o‘z yakuniga yetdi. Bektemir shiddatli harakati, ayniqsa, chap qo‘lida bergan kuchli zarbasi bilan raundning so‘nggi daqiqalarida raqibini nokautga uchratdi.

Ushbu g‘alabasi tufayli Bektemir Meliqo‘ziyev WBO Global kamarini qo‘lga kiritdi.

Shu tariqa Bektemirning professional boksdagi g‘alabalari soni 11 taga yetdi. 9 ta jangda u raqiblarini nokaut evaziga mag‘lub etgan.

T. RO‘ZIEV, O‘zA