Qoraqalpogʻistonda birinchi boʻlib Taxiatosh tumani davlatga paxta topshirish rejasini bajardi, deb xabar bermoqda tuman hokimligi matbuot xizmati.
Tumanda joriy yilda shartnoma boʻyicha belgilangan jami 5 ming 600 tonna paxta rejasi ortigʻi bilan bajarilgan. Hozirgi kunda 5 ming 800 tonnadan ortiq paxta xomashyosi terilib, klaster korxonaga topshirilgan.
Tumanda 56ta fermer xoʻjaligi “Taxiatosh tex klaster” korxonasi bilan shartnoma tuzgan.
Paxta yigʻim-terimiga 3 ming 700 dan ortiq terimchi ixtiyoriy ravishda paxta terishga qatnashmoqda.
Ye.Qanoatov, OʻzA