Azaliy qadriyatlari-yu an’analari o‘xshash bo‘lgan turkiy xalqlar o‘zaro birdamlik va hamjihatlik yo‘lidan bormoqda.

Bugun “International Hotel Tashkent” mexmonxonasida Turkiy davlatlar tashkiloti (TDT)ga a’zo mamlakatlarning OAV va axborot masalalari bo‘yicha vazirlari, shuningdek, yuqori mansabdor shaxslari ishtirokida 6-yig‘ilish muloqoti o‘tkazildi.

Tadbirda milliy teleradiokanallarni TDTga a’zo davlatlar hududida translyatsiya qilish uchun teng sharoitlar yaratishga yordam beradigan televizion va radiodasturlarni o‘zaro translyatsiya qilish to‘g‘risidagi bitim loyihasini ishlab chiqish bo‘yicha amalga oshirilayotgan ishlar muhokama qilindi.

E’tiborli jihati, uchrashuvda TDTning 2024-2025 yillarga mo‘ljallangan “Harakatlar rejasi” tasdiqlandi.

Tomonlar dezinformatsiya va soxta yangiliklar tarqalishiga qarshi kurashish bo‘yicha umumiy yondashuvlarini belgilaydigan Toshkent kommyunikesini imzoladi.

Musulmon Ziyo, Doniyor Yoqubov (video), O‘zA