Өзбекстан Республикасы Президентиниң
пәрманы
Елимиздиң қурылыс тараўындағы көп жыллық жемисли мийнети, республикамызда әмелге асырылып атырған кең көлемли қурылыс жумысларына қосқан мүнәсип үлеси, қурылыс индустриясы ҳәм миллий архитектураны раўажландырыў, системаға алдыңғы технологияларды енгизиў, заманагөй имарат ҳәм объектлерди қурыў, қала ҳәм аўылларымыздың келбетин түп-тийкарынан өзгертиў бағдарындағы үлкен хызметлери және тараўға байланыслы мәмлекетлик бағдарламалардың орынланыўын тәмийинлеўде белсене қатнасқаны ушын төмендегилер ҳүрметли атақ, орден ҳәм медальлар менен сыйлықлансын:
Қарақалпақстан Республикасы бойынша:
«Фидокорона хизматлари учун» ордени менен
Жиемуратов Қаллибек Елубаевич – «Ўзмахсусмонтожқурилиш» акционерлик компаниясының «Нукус электромонтаж» жуўапкершилиги шекленген жәмийетиниң электромонтажлаўшысы.
«Меҳнат шуҳрати» ордени менен
Жаумитбаев Кераматдин Шарапович – Нөкис қаласындағы «Голден Стар» қурылыс-оңлаў кәрханасының басшысы.
«Шуҳрат» медалы менен
Сабуров Улуғбек Ибрагимович – Төрткул районындағы «Шўрахонқурилишмонтаж» жуўапкершилиги шекленген жәмийетиниң гербиш өриўшиси.
Өзбекстан Республикасы
Президенти Ш.МИРЗИЁЕВ
Ташкент қаласы,
2018-жыл 10-август