Кеше Венгрия пайтахты Будапешт қаласында Пүткил жер жүзилик шахмат Олимпиадасының дәслепки турына старт берилди.
Онда әмелдеги жәҳән чемпионы есапланған Өзбекстан ерлер сайланды командасы Тринидад ҳәм Тобаго шахматшылары менен ушырасып, өз қарсыласларын 3,5 : 0,5 есабында жеңип шығыўға миясар болды.
Атап айтқанда, сайланды командамыз ағзаларынан Нодирбек Абдусатторов Жошуа Жонсонды , Шамсиддин Воҳидов Кевин Купидти, Жаҳонгир Ваҳидов Харпер Рянды 1:0 жеңген болса,
Нодирбек Якуббоев Куинн Кабралис пенен теңбе-тең ойнады.
Ал, ҳаял-қызлар сайланды командасы болса, гаитили шахматшыларды 4:0 есабында жеңип шығыўға еристи. Соның ишинде, Афруза Ҳамдамова Роуз Сеинди, Нилуфар Якуббоева Мерисена Кадеауды, Умида Омонова Жонет Давенаны, Нодира Нодиржонова Кинеберли Дунатларды жеңип, сайланды команда есабына дәслепки упайды жазып қойды.
Адилбай Оразов,
Қарақалпақстан хабар агентлиги шолыўшысы