Соңғы жылларда жоқары дәрежеде халықаралық бирге ислесиўлердиң жолға қойылғаны, әсиресе, жоқары оқыў орынларының сырт еллердеги жоқары оқыў орынлары менен бирге ислесиў бойынша келисимлер дүзип, қатнасықлардың жолға қойылғаны ҳәзирги ўақытта өзиниң унамлы нәтийжелерин бермекте.
Әсиресе, усы келисимлер тийкарында студент-жасларымыздың сырт еллерде әмелият өтеўи, ол жерлердеги алдынғы тәжирийбелер менен танысып барыўы олардың қызығыўшылығының артыўына себепши болмақта.
Қарақалпақстан Аўыл хожалығы ҳәм агротехнологиялар институты ҳәм Германияның JD Eas компаниясы менен дүзилген шәртнама тийкарында институттың 18 студенти жақында Германия Федеративлик Республикасының Бонн қаласында 3 айлық қысқа мүддетли гүзги әмелиятын өтеў ушын жол алды.
2023-жылы усы бағдарлама тийкарында 10 студент барып келген болып, 2024-жылы бул көрсеткиш бес есеге көбейген.
Ноябрь айында қысқы әмелиятқа және 30 студенттиң жиберилиўи режелестирилмекте.
Қарақалпақстан хабар агентлиги