2024-2025-оқыў жылында жоқары ҳәм профессионал билимлендииў мәкемелерине кириў тест сынақлары 2024-жыл 14-25-июль күнлери «Алдын тест, соң таңлаў» принципине муўапық, 73 үлкен сыйымлықтағы имаратта ашық ҳәм қалыс өткерилди.
Процестти қәўипсиз ҳәм зыянсыз өткериў ушын 1 мың 578 шки ислер, 833 Миллий гвардия, 314 Өрт қәўипсизлиги ҳәм 233 денсаўлықты сақлаў системасының хызметкерлери тартылды.
МҒКАда шөлкемлестирилген баспасөз әнжуманында Билим ҳәм маманлықты баҳалаў агентлиги директорының орынбасары Фарҳод Мирзаев ҳәм агентликтиң жуўапкерлери тест сынақларының жуўмақлары бойынша мағлыўмат берди.
Атап өтилиўинше, тест сынақларының ашық-айданлығын тәмийинлеў мақсетинде тест сынақлары процесслериниң онлайн трансляциясы телевидение арқалы узатылды ҳәм test2024.uz веб-сайтында тиккелей сәўлелендирилди.
Абитуриентлердиң ата-аналары ҳәм кең жәмийетшилик ушын саялы-салқын күтиў орынлары ҳәм жеңил аўқатланыў шақапшалары шөлкемлестирилип тест процесслерин онлайн бақлаўы уын үлкен экранлар орнатылды. Жәмийетшилик арасында ашық таңлаў өткериў арқалы 3000 ға шамалас топар қадағалаўшысы, сондай-ақ, сөйлеў ҳәм еситиўинде нуқсаны болған абитуриентлерге әмелий жәрдем көрестиў мақсетинде 120 сурдоаўдармашы мирәт етилди.
Тест сынақларының ҳәр күнлик нәтийжелери Билим ҳәм маманлықты баҳалаў агентлигиниң рәсмий веб-сайтында сынақ өткерилген күнниң ертеңине жәрияланып барылды. Ҳүжжет тапсырған 805 мың 688 абитуриенттиң 740 мың 352 (91,9%) си тест сынақларында қатнасты, 65 мың 366 (8,1%) абитуриент түрли себеплерге бола қатнаспады.
Абитуриентлердиң 210 ы 189 ҳәм оннан жоқары балл топлаўға еристи. Жоқары балл топлаўға ерискен абитуриентлердиң көпшилиги «Темурбеклер мектеби» әскерий-академиялық лицейиниң питкериўшилери болып табылады.
Сондай-ақ, тест сынақларында қатнасқан абитуриентлердиң 43 мың 677си шет тили сертификатына ийе болған абитуриентлер болып, соннан 76 мыңы максимал (189) балл топлаған. Улыўма билимлендириў пәнлеринен миллий сертификатқа ийе болған абитуриентлер болса 13 мың 142и қураған ҳалда, олардан 118и максимал (189,0) балл алған.
Ҳәм улыўма билимлендириў пәнлеринен миллий сетификатқа, ҳәм шет тили сертификатына йе болған абитуриентлердиң саны 4 мың 259 болып, 74 и максимал (198,0) балл топлаған.
Тест сынақлары дәўиринде жәми 159 абитуриент тәртип-қағыйаларды бузғаны себепли тест сынақларынан шетлеттирилген. Атап айтқанда, 62 абитуриент аймаққа кириў орнында 97 абитуриент имтихан процесслеринде тест сынақлары тәртип-қағыйдаларын бузғаны анықланды.
Муҳайё Тошқораева, ӨзА