Өзбекстан Республикасы Президентиниң «Туризм, спорт ҳәм мәдений мийрас тараўларында мәмлекетлик басқарыў системасын буннан былай да жетилистириў илажлары ҳаққында»ғы пәрманы қабыл етилди.
Пәрманға муўапық, Дене тәрбия ҳәм спорт министрлиги және Туризмди раўажландырыў бойынша мәмлекетлик комитети негизинде Туризм ҳәм спорт министрлиги шөлкемлестирилди.
Сондай-ақ, Дене тәрбия ҳәм спорт министрлиги және Туризмди раўажландырыў бойынша мәмлекетлик комитетиниң тийисли аймақлық бөлимлери негизинде министрликтиң Қарақалпақстан Республикасы, ўәлаятлар ҳәм Ташкент қалалық бас басқармалары, районлық (қалалық) бөлимлери шөлкемлестирилди.
Министрлик туризм, дене тәрбия, спорт ҳәм мәдений мийрас тараўларында бирден-бир мәмлекетлик сиясатты әмелге асыратуғын мәмлекетлик басқарыў уйымы есапланады.
Ислам Матеков,
Қарақалпақстан хабар агентлиги.