Быйылғы жыл Бердақ атындағы Қарақалпақ мәмлекетлик университетиниң студентлери ушын әўмет ҳәм имканиятлар есигин кеңнен ашпақта.
Буны Россия Федерациясының Пенза қаласында «Жыл таңлаўы» XVII халықаралық илимий-изертлеўлер таңлаўында усы университет магистрантлары Гүлчехра Бекниязова физика пәнинен, Дәўлетбай Сәрсенбаев инглиз тили пәнинен қатнасып, халықаралық таңлаўда жеңимпаз болып, алтын медальды қолға киргизгени мысалында да көриўимиз мүмкин.
Г.Бекниязова физика-математика илимлериниң докторы, профессор Қанатбай Исмайлов пенен биргеликте, ал Дәўлетбай Сәрсенбаев техника илимлери бойынша философия илимлериниң докторы (PhD), доцент Камал Реймовтың басшылығында илимий-изертлеў жумысларын алып бармақта.
Т.СЕЙТНАЗАРОВА,
Қарақалпақстан хабар агентлигиниң шолыўшысы