Шоманай районында «Жаслар форумы» шеңберинде  «Исбилерменлигиңди басла» көргизбеси өткерилди.

 

 

Көргизбеде аўыл хожалығы ушын зәрүр үскенелер, жүк тасыўшы мотоцикльлер, нан ҳәм нан өнимлерин ислеп шығарыўшы үскенелер, ҳаял-қызлар ушын тигиў машиналары ҳәм басқа да исбилерменликти баслаў ушын керекли буйымлар қойылды.

 

 

 

Көргизбеде 26 жүк тасыўшы мотоцикльди, 3 аўыл хожалығы ушын зәрүр үскене, 2 нан ҳәм нан өнимлерин ислеп шығарыўшы үскенесин ҳәм 10 тигиў машинасын жеңиллетилген кредитлер есабынан алыў ушын жумыссыз жаслар ҳәм жеткерип бериўши кәрханалар арасында шәртнамалар дүзилди.

 

 

 

Райондағы банклер тәрепинен кредитлер бериў илажлары әмелге асырылмақта. Көргизбеде 600 ден аслам жаслар ҳәм район турғынлары қатнасты.

 

 

Көргизбе районда және еки күн даўам етеди.

 

Қарақалпақстан хабар агентлиги.