Өзбекстан мәмлекетлик көркем өнер ҳәм мәденият институты Нөкис филиалында Президентимиздиң Олий Мажлиске ҳәм халқымызға жоллаған Мүрәжатының мазмун-мәнисине бағышланған илаж болып өтти. Оған филиал студент-жаслары ҳәм профессор-оқытыўшылар қатнасты.
Онда филиал қурамындағы Билимлендириўдиң сапасын кадағалаў бөлими баслығы Қ.Қалекеев, «Көркем өнертаныў» факультети деканы Г.Ходжаметова, «Социал-гуманитар пәнлер» кафедрасының үлкен оқытыўшысы А.Утепбергеновлар шығып сөйлеп, Президентимиз Мүрәжатының мазмун-мәниси, сондай-ақ, билимлендириў тараўын раўажландырыўға қаратылған ўазыйпаларға айрықша кең түрде тоқтап өтти.
Өз-ара пикир алысыў түринде өткерилген илажда Президентимиз мүрәжатының мазмун-мәнисин, әҳмийетин студент-жасларға кеңнен үгит-нәсиятлаў бойынша ўазыйпалар белгиленди.
Ж.Искендеров,
ӨзМКӨМИ Нөкис филиалы баспасөз хызмети.
Қарақалпақстан хабар агентлиги