Аяпов Аманжол Тлепович Өзбекстан мәмлекетлик көркем өнер ҳәм мәденият институты Нөкис филиалы директоры лаўазымына тайынланды. Бул ҳаққында ҚР ХБМ мәлимлеме хызмети хабар берди.

 

Филология илимлериниң кандидаты А.Аяпов мийнет жолы даўамында 2000-2016-жылларда Қарақалпақ мәмлекетлик университетинде ислеген болса, 2016-2017-жылларда Қарақалпақстан Республикасы Министрлер Кеңесиниң орта арнаўлы, кәсиплик билимлендириў басқармасы баслығы болып ислеген.

 

2017-жылдан 2020-жылдың декабрь айына шекем ол Қарақалпақстан Республикасы Халық билимлендириў министри лаўазымында иследи.

 

Қарақалпақстан хабар агентлиги.