Өзбекстан Республикасы Президенти Шавкат Мирзиёев 1-декабрь күни Қазақстан Республикасы Президенти Қасым-Жомарт Тоқаев пенен телефон арқалы сөйлести.
Мәмлекетимиз басшысы Қазақстанның көп миллетли халқын мәмлекетлик байрам-Биринши Президент күни менен қызғын қутлықлап, тынышлық ҳәм раўажланыў тиледи.
Сөйлесиў ўақтында Өзбекстан менен Қазақстан арасындағы дослық, жақсы қоңсышылық ҳәм стратегиялық шериклик қатнасықларын беккемлеўдиң әҳмийетли мәселелери көрип шығылды. Әмелий бирге ислесиўге байланыслы қоспа жойбарлар ҳәм бағдарламаларды, бәринен бурын, саўда-экономикалық, инвестициялық ҳәм гуманитарлық тараўларда алға қойыўға айрықша итибар қаратылды.
Президентлер халықаралық күн тәртибин, соның ишинде, усы айда Өзбекстан Республикасы басшылығында болып өтетуғын ҒМДА саммитине таярлық көриў мәселелерин де додалады. Дослық аўқамы ҳәм басқа да регионаллық және глобал структуралар шеңбериндеги тығыз сөйлесиўди даўам еттириўге таяр екенин атап өтти.
Сөйлесиў соңында туўысқан еллеримиз арасындағы кең көлемли бирге ислесиўди раўажландырыўға еки тәрептиң де умтылысы исенимли екени тастыйықланды.
ӨзА