«Uzbekistan Airways» айрым шеклеўлерди енгизбекте

«Uzbekistan Airways» социаллық аралыққа әмел етиў, орынларға жайласыў ўақтын қысқартыў, сондай-ақ, жолаўшылар ҳәм экипаж ағзалары арасындағы артықша қарым-қатнасты шеклеў мақсетинде қол жүклерин тасыў бойынша шеклеўлерди енгизбекте. Бул ҳаққында компания баспасөз хызмети хабар берди.

 

Буннан былай самолёт салонына тек ғана ушыў ўақтында зәрүр болатуғын ҳаял-қызлар сумкасы, портфель, ноутбук, балалардың затлары салынған сумканы алып кириў мүмкин. Басқа затлар болса рейске дизимнен өтип атырған ўақытта багажға тапсырылыўы керек.

 

«Пайдаланылмайтуғын қол жүги бийпул тасыў мүмкин болған багажға қосылады. Яғный белгиленген 8 килограмм қол жүгинен тек ғана 2 килограммды салонға алып кириў мүмкин. Қалған 6 килограмм болса багаж ушын рухсат берилген жүк муғдарына бийпул қосылады», – деп қосымша етилген хабарда.

 

Ислам Матеков,

Қарақалпақстан хабар агентлиги.

  08.10.2020, 14:02  |    221 мәрте көрилди

Thanks!

Our editors are notified.