Өзбекстан Республикасы Бас министри Абдулла Арипов Саўда-экономикалық бирге ислесиў бойынша Ҳүкиметлераралық комиссияның 7-мәжилисинде қатнасыў ушын 29-сентябрь күни Тәжикстан пайтахтына жетип келди.
Душанбе халықаралық аэропортында Өзбекстан Республикасы Бас министрин Тәжикстан Республикасы Бас министриниң орынбасары Давлатшо Гулмуҳаммадзода күтип алды.
Бурын хабар берилгениндей, комиссия күн тәртибинде саўда-экономикалық, транспорт-коммуникация, энергетика, аўыл ҳәм суў хожалығы және мәдений гуманитарлық тараўларда ҳәм басқа да тийкарғы бағдарларда еки тәреплеме әмелий бирге ислесиўди кеңейтиўдиң әҳмийетли мәселелерин додалаў режелестирилген.
Сапар шеңберинде Өзбекстан – Тәжикстан исбилерменлериниң бизнес-форумын ҳәм Исбилерменлер кеңесиниң мәжилисин өткериў нәзерде тутылған.
ӨзА