Коронавирусқа қарсы гүресиў штабының ағзасы, эпидемиолог Рустам Икромовтың «Шифобахш» каналына мәлим етиўинше, ҳәр жылы гүз ҳәм қыс мәўсиминде ҳаўа тамшы арқалы жуғатуғын кеселликлердиң көтерилиўи бақланады.
«Бул шыпакерлер тилинде микст-инфекция делинеди яғный қосылып кеселлик шақырыўы мүмкин болған жағдай бақланыўы мүмкин. Грипп ҳәм пневмония шақыратуғын вируслы кеселликлерди коронавирус пенен биргеликте келиўи вирусты күшейиўин ҳәм буннан да аўырлаў дәрежеге алып келиўин болжаў мүмкин»,-деди қәниге.
Оның атап өтиўинше, ҳәзирги күнлерде грипп ҳәм пневмонияға қарсы емлеў ушын ҳүкиметлик дәрежеде керекли илажлар алып барылмақта. Вакциналарды шеттен алып келиў ҳәм орынларда емлеў пунктлерин шөлкемлестириў жумыслары бойынша илажлар ислеп шығылған. Бул жумыслар сентябрь айынан басланады.
Қарақалпақстан хабар агентлиги